Rafael Fernández Valverde
MAXISTRADO DO TRIBUNAL SUPREMO
Ingresou na carreira xudicial en 1976, exercendo como xuíz nos xulgados de primeira instancia e instrución de Aracena, Sanlúcar de Barrameda e La Orotava.
Tras ascender a maxistrado, estivo destinado nos Xulgados de primeira instancia de Las Palmas de Gran Canaria.
Maxistrado especialista do contencioso-administrativo, pasou a desempeñar o seu labor na Sala do Contencioso Administrativo do Tribunal Superior de Xustiza de Canarias onde permaneceu de 1989 a 2001.
En decembro de 2001 foi nomeado maxistrado da Sala do Contencioso Administrativo da Audiencia Nacional ata novembro de 2003, cando foi nomeado maxistrado da Sala do Contencioso Administrativo do Tribunal Supremo.
Interviu en numerosos Congresos, Cursos, Xornadas e Seminarios, en España e no estranxeiro como conferenciante, relator ou director. Impartiu numerosos Cursos de Formación en diversas Administracións Públicas e interviu en diversos Máster de Universidades e de entidades privadas.
É autor de numerosas publicacións no ámbito do Dereito Público, colaborando con varias Revistas especializadas.