A lexislación urbanística atribúe á APLU as competencias en materia de disciplina en solo rústico sobre todo o territorio galego, ás que hai que engadir as delegadas polos concellos adheridos. Ademais a APLU, en virtude da lexislación vixente en materia de costas, ostenta tamén competencias específicas sobre servidume de protección do dominio público marítimo-terrestre.
Ao redor dun 97% das ordes administrativas de reposición da legalidade cúmprense en período voluntario polas persoas que ostentan o dereito de propiedade do solo ou polas promotoras das obras ou da actividade que contraveñen a legalidade en materia urbanística ou de costas. Tan só un 3% das reposicións de legalidade son executadas subsidiariamente pola APLU, repercutindo o seu custo aos responsables.
Como exemplo, nesta páxina publícase unha selección das reposicións da legalidade clasificadas por tipoloxía, concello e ano de execución.